LAOAG CITY – Inpasingked ni Mr. Arsenio Cabacungan, Sports Coordinator iti DepEd ditoy ciudad ti Laoag a naiget iti panagsanay dagiti atleta para iti 2020 Regional Athletic Association.
Segun kenni Cabacungan, dakkel iti nagbaliwan iti training dagiti atleta agsipod ta adda dagiti national trainors a tumultulong kadakuada.
Kunana a nangrugi iti training dagiti 456 nga atleta idi Nobyembre.
Inbatad na a kalikagum ni Mayor Michael Marcos Keon, ti dati nga Executive Director ti Project Gintong Alay nga iyemplementar na daytoy para iti napinpintas a performance dagiti atleta para iti R1AA.
Namnamaen ni Cabacungan a makagun-odda iti nangatngato a pwesto kumpara iti naudi nga R1AA.
