LAOAG CITY – Nagun-od ti maysa nga atleta manipud iti Ilocos Region a ni Jaino Inas Galzote ti balitok a medalya iti Extra Lightweight category – full contact ti Arnis para iti Paralong Pambansa 2025.
Segun kenkuana, ibilangna a ti karigatan a nakalabanna ket dagiti atleta manipud iti National Capital Region.
Inbatadna nga ad-adda a pimmigsa ti pakinakemna idi simrek daytoy iti finals.
Inlawlawagna nga idi Grade 7 ken Grade 8 daytoy ket kanayon a maab-abak iti second round.
Kunana nga inpatungpalna dagiti nagduduma nga istratehia iti labanda tapno ad-adda a maabakna ti kalabanna.
Mainaig iti daytoy, inpakaammo ni Mr. Rene Castillo, Trainer ti Arnis a kinasapulanda ti naiget a panangdisiplina iti pannakaisayangkat ti panagsanayda tapno makapokus a nasayaat ti labanda.
Innayonna nga elementaria pay laeng ni Jaino ket nakitana ti potensyal daytoy agingga a dimmalan ti sumagmamano a panagsanay a nangasa ti talentona.
