LAOAG CITY – Dumanonen iti 20 nga atleta ti pagilian ti makipaset sumagmamano a lawas sakbay ti panangrugi ti Paris Olympics.
Segun ken ni Philippine Olympic Committee President Abraham “Bambol” Tolentino, nanayunan dagiti swimmers nag isuda Kayla Sanchez ken Jarold Hatch pakairamanan ditoy ti judoka a ni Kiyomi Watanabe ken dagiti babbai a golfers nga isuda Bianca Pagdanganan ken Dottie Ardina.
Ni Hatch ket kualipikado iti men’s 100 meter butterfly idinto ni Sanchez a dati a Canadian ket nagsukat ti nationality idi 2021 iti kina-Filipino ket makipaset iti women’s 100 meter freestyle.
Naammoan a ni Watanabe ket maikadua daytoyen a sumabak iti Olympics kalpasan a makastrek iti continental qualification iti women’s 63 kgs. pakairamanan ni Pagdanganan a maikadua iti Olympics game idinto a first timer laeng ni Ardina.
Innayonna a napintas a damag a naartapanen ti pagilian ti delegado a naipatulod iti napalabas a Tokyo Olympics nga addaan laeng ti 19.
