LAOAG CITY – Makabael dagiti atleta ti Region 1 kontra kadagiti nagduduma nga atleta ti sabsabali nga rehiyon iti maangay a Palarong Pambansa 2018 idiay siudad ti Vigan, probinsya ti Ilocos Sur.
Daytoy ti inpakaammo ni Mr. Gene. Reginaldo, DepEd supervisor ti Mapeh ti Ilocos Norte iti esklusibo a pannakiuman ti Bombo Radyo Laoag.
Kuna na nga agpatingga intono Abril 13 iti panagtraining da, panaginana iti Abril 14 ken opening program intono Abril 15 ti Palarong Pambansa 2018.
Segun kenni Reginaldo, tallo nga pagadalan ti pagyaman ti delegasyon ti Region 1 ken dagitoy ket adayu iti centro ti siudad ti Vigan.
Inbatad na a nakadestino kadagiti lallaki nga atleta.
Mainaig iti daytoy, dandanin a malpas ti panangisagana ti Ilocos Sur ti Quirino Stadium ken dagiti mausar a pasilidad para ti paay-ayam.
Innayon na a 24 nga oras ti panangipaay ti PNP Ilocos Sur iti seguridad ti aglawlaw ken dagiti nagduduma a delegasyon.
Namnamaen ni Reginaldo a ngumato ti rango ti Region 1 iti Palarong Pambansa ita a tawen.
