LAOAG CITY – Pabor ni Atty Juanito Antonio iti pannakrepaso ken pannaka-amendar ti economic provisions ti 1987 Philippine Constitution .
Ngem impaganetget na a masapol a makontrol dagiti restriksyon tapno saan met laeng a tagikwaen dagiti ganganaet ti ekonomiya ti Pilipinas.
Kunana a daytoy a ganuat ket mabalin a bumaba ti unemployment rate ditoy pagilyan gapu ta ti maysa a rason ti saan a panagrang-ay ti ekonomiya ket gapu ta adda dagiti restrictive economic provisions.
Inlawlawag na a nai-emplimentar ti 1987 Philippine Constitution tapno saan a maulit ti dati a konstitusyon nga awan ti restriksyon dagiti ganganaet nga agtagikua ken agoperar kadagiti negosyo a naituding a para kadagiti Pilipino, no sadinno a mabalin nga isu ti pagamkan ti Senado.
Kabayatanna, kunana a no marebisar ti economic rules ket mabalin a saan laeng a daytoy ti pagpatinggaan na daytoy rason no apay a ti ibutbuteng da a maysa ket ti pannaka-iyalud-od ti panagtugaw dagiti mangimatmaton ditoy pagilyan a mabalin a bukbukodan tu dagiti adda iti nangato, nga isu ti ti salsalakniban ti dagiti premiers ti 1987 Philippine Constitution.
