LAOAG CITY – Inbatad ni Atty. Neri Comenares a madi ti posisyon ni Presidente Rodrigo Duterte mainaig iti utang a pakinakem na iti China.
Kuna na a saan a mabalin a pagbayad iti China ti West Philippine Sea gapu laeng ti utang a pakinakem ken arig a binaybay-an na dagiti mangalap ti Pilipinas.
Segun kenni Colmenares, ti minilyon a bakuna ti China a simmangpet ditoy Pilipinas ket saan a mapanunot ti presidente a binillyon met ti mapukpukaw ti Pilipinas iti inaldaw gapu iti kaadda dagiti barko ti China iti West Philippine Sea.
Kuna na a dakkel ti maitulong iti panagdur-as ti pagilian ken dagiti Pilipino iti West Philippine Sea no mailaban laeng ti Pilipinas daytoy.
Inbatad ni Colmenares a ti rakurak pay ni Duterte a maysa laeng a pidaso a papel ti desisyon ti UNCLOS a pabor iti Pilipinas ti WPS ket arigen a nabastos ti desisyon ti korte.
Kuna na a dakkel ti epekto ti rakurak ti presidente a no sadinno ket possible nga aramaten ti China ken ibilang na a pudno iti claim da iti WPS.
Kabayatanna, inakusaran pay ti abogado a saan nga ammo ti presidente a tengelen ti krisis ken dagiti problema ti pagilian.
Iti mainaig a damag, inawagan ni Atty. Neri Colmenares a takrot ni Presidente Rodrigo Duterte kalpasan nga immatras iti karit na kenni dati nga Associate Justice Antonio Carpio mainaig iti panagdebate da iti isyu ti West Philippine Sea.
Kuna na a napanunut nan nga agsanod ti presidente ken naipost na pay daytoy iti twitter account na iti kallabes.
Segun kenni Colmenares, ammo ti presidente a saan a mangabak iti takder na iti debate kas dagiti immunan a rakurak mainaig iti WPS ken ti utang a pakinakem na iti China.
Innayon na a puro sao laeng ti presidente ken awan ti naaramid na iti WPS.
Nagpanawagan pay ti abogado nga agresign laengen ni Duterte.
