LAOAG CITY – Pormalen a nagtugaw a Vice Mayor ti ciudad ti Laoag ni Atty. Franklyn Respicio ti Senior Sangguniang Panglungsod Member ti Laoag, kasukat ti permanente a panagbakante ti nasao a posisyon gapu iti ipupusay ni Vice Mayor Michael Fariñas.
Daytoy ket kalpasan a nagsapatan ni Respicio babaen ken ni Judge Nida Alejandro.
Kuna ni Respicio nga ikarigatan na nga annungen ti amin a kabaelana na a mangannong dagiti resposiblidad ti nagawan a Bise Mayor iti nabatbati a termino na.
Kuna na a dagiti Committees a pagkamengan na kas iti Committe on Laws ket pagsasaritaandanto no kasano a maiyawat kadagiti rumbeng a pakaiyawataan na
Kabayatan na, saan met pay a nagsasaritaan da Respicio no sinno ti isulnit da iti nagbakante a posiyon iti konseho gapu iti panagngato da amin.
Nupay kasta, narwar ti nagan ni City Tourism Officer Mrs. Yvonne Ranada a kapartiduan ti naudi a nagpangato a konsehal a Nationalista Party.
