LAOAG CITY – Saan a makapaspasar ti political persecution ni dati a Presidential Spokesperson Atty. Harry Roque.
Daytoy ti inlawlawag ti Department of Justice (DOJ) iti baet ti panangpakanselar ti pasaporte ken panangikabil ken ni Roque iti Interpol Red Notice tapno insigida a maarestar.
Inbatad ni Department of Justice Spokesperon Atty. Polo Martinez, saan nga umdas ti principle of non-refoulement iti babaen ti international human rights law ti rason ni Roque.
Kuna ti dati a pannakangiwat ni dati a Presidente Rodrigo Duterte a saan a mabalin a piliten isuna nga agsubli ditoy Pilipinas nangruna ket manarimaan daytoy nga agkidkiddaw ti asylum.
Nupay kasta, inlawlawag ni Martinez, awan ti mapaspasamak a panangtengngel ken ni Roque ken kasapulanna laeng a sangoen ti kaso.
Inpettengna nga ik-ikkanda ti gundaway ni Roque nga ikalintegan ti bagina manipud kadagiti pammabasol.
Sumangsango ni Roque iti kaso a qualified human trafficking mainaig iti panang-raid iti Philippine Offshore Gaming Operators (POGO) hub a Lucky South 99 idiay Pampanga.
