LAOAG CITY – Nakapuuten ni Atty. Jason Perera kalpasan ti pannakapaltog na idi rabii iti mismo a sango ti balay da ditoy 6 ditoy ciudad ti Laoag.
Naamoan nga itay laeng bigat ket nakapoot ni Perera ken ti immuna a sinapol na ket ti ina na isut gapu na a naikkan ti agarop 2 a minutos ni Mrs. Carol Perera a napan iti recovery room nga ayan ti anak na.
Nupay kasta, kuna ni Mrs. Perara a saan pay laeng a makasao ti anak na no di ket gestures laeng pagsungbat na.
Ni Perera ket nagsagaba ti dua a tama ti bala iti bukot na kalpasan a pinaltu-paltugan ti riding-in tandem suspects iti mismo a ruwar ti balay da.
Iti agdama, agtultuloy a maob-obserbaran ni Atty. Perera iti Governor Roque Ablan Senior Memorial Hospital (GRASMH) ditoy ciudad ti Laoag.
Kabayatanna, nabukel a dagus ti Activation of Special Investigation Task Group (SITG) babaen ti panangidaulo ni Provincial Director Police Senior Supt. Cesar Pasiwen a mangimbestigar ti pannaka-paltog ni Atty. Perera.
Maipalagip a kaadoan a kaso nga ig-iggaman ni Atty. Perera ket mainaig iti illegal a droga.
