LAOAG CITY – Dakkel ti pammati ni Atty. Jason Perera ti legal counsel dagiti naiserbian ti search warrant a ni Jesus Arimbuyutan iti Brgy. Bengcag ditoy siudad kenni Brgy. Kag. Eugene Bonaon iti Brgy. Balacad.
Kuna na a daytoy ket gapu ta arig a nu siasino dagiti napatulodan ti pangta iti biag a kas iti bala a naited ken ni Bonoan ket isu da met lang ti naiserbian ti search warrant.
Nu pay kasta, inbatad ni Perera a ti pannakaiyuswat ti search warrant operayon kontra kadagiti dua nga opisyal ket naantisiparan na gapu ta saan a nasurot dagiti nailanad iti search warrant.
Inbunannag na nga iti search warrant a naiserbi ken ni Arimbuyutan ket saan a ti pagtaenganna ti nailanad iti daytoy ngem ketdi iti kaabay a balay daytoy.
Kuna na nga iti met ti search warrant a naiserbi ken ni Bonoan ket maysa a dua a kadsaaraan a balay ti masukimat, banag a saan a maipada iti kayat a serreken dagiti otoridad a maysa a bungalow.
Segun ken ni Perera, adda ti panangipilit dagiti otoridad a masukimat dagiti nadakamat a pagtaengan ngem nalappeddan gapu iti panangipapilit na a maikanniwas daytoy iti linteg.
Inpakaammo ni Perera a kangrunaan a nailanad iti search warrant a biruken dagiti otoridad ket nauray a paltog.
Naamoan a dagiti nadakamat nga opisyal ket agpapada a mangsupsuporta iti Team Fariñas.
Kalikagum ni Perera nga agbalin a non-partisan dagiti otoridad ita nga eleksyon ken agbalin a natalna ti panagpipili.
