LAOAG CITY – Kwinestyunaran ni Atty. Neri Colmenares, Chairman ti Bayan Muna Partylist iti napaspas a pannakatratar ken dagus a naaprubaran iti maikatlo ken maudi a pannakaibasa na iti Kamara de Representantes ti mailunglungalong a Maharlika Investment Fund (MIF).
Segun kenni Colmenares, rumbeng kuma nga agtanang wenno saan nga agal-alisto iti daytoy nangruna ket kwarta dagiti tattao ken saan a kwarta dagiti kongresista.
Inpetteng na a dakkel a kwarta ti kangrunaan a mapagsasaritaan iti daytoy ngem arig na tren iti kaalisto ti pannagna ti proseso iti akin-baba a pagpandayan linteg.
Inlawlawag na nga uray naikat ti SSS ken GSIS iti daytoy ket public funds to latta ti mausar ken mabalin to latta a maisubli ken ti pondo mismo ket ado ti exemption na iti regulatory laws kas iti taxation ken dadduma pay.
Inpalgak na nga agrarian ti kurapsyon iti laksid nga adda dagiti linteg a manglaban iti daytoy, ken maikkat pay dagiti
regulatory restriction rason a saan a maikkat ti posiblidad nga al-alisto a matakaw ti pondo.
Dinakamat na pay nga awan ti makita na a rason no apay nga adda ti maaramid a Maharlika Investment Fund gapo ta dagiti pagapoan ti pondo ket datin metten nga addaan ti investment ken saanen a rumbeng a ma-centralized.
Kunana a daytoy ket saan a ma-justify iti debate ken ti pannaiyalisto ti pannakaipasa daytoy rason a naiget ti panagkontra da ti MIF.
Patien pay ni Colmenares a maibilang nga “abuse of power” ti pannaka-setipikar ti lungalong kas “urgent” gapo ta awan met ti makita na nga emergency a rason iti daytoy ken nangruna ket adda ti reklamo ti publiko.
Inpetteng na a dumalan pay daytoy iti Senado ken maiyuswat pay laeng ti pannaktratar ti isyu intono sumaruno a tawen rason nga awan ti serbi na a naiyalisto daytoy, no diket kalikagom laeng dagiti maseknan a liklikan dagiti ado a saludsod.
