LAOAG CITY – Saan a mailadawan ni Atty. Nikki Joy Barroga iti ili ti Pinili ti ragsak na kalpasan a nakapasa iti Bar Exam.
Segun ken ni Atty. Barroga, arig a nagsangsangit ti inaramid na sakbay a rimuar ti resulta dagiti nakapasa ti Bar Exam ita nga aldaw.
Immuna iti daytoy, inpakaammo ni Atty. Barroga a saan a nalaka dagiti kapadasan na sakbay a nakapasa iti eksaminasyon.
Inbatad na a nagturpos iti kurso na nga abogasya itay napan a tawen ngem naitantan ti eksaminasyon da iti dayta a tawen ken nagtalinaed idiay Baguio City nga isu ti lugar ti review center kadua na dagiti walo a dadduma pay a pada na nga abogado.
Kuna na nga ado ti sakripisyo na kangrunaan iti pamilya na.
Mainaig iti daytoy, inpakaammo ni Atty. Barroga a sipud pay ubing ket arapa-ap nan ti agbalin nga abogado nga isu ti saan a naituloy nga inturpos ti ama na.
Kabayatanna, malaksid a maysan nga abogada ni Atty. Baroga ket immuna a nagturpos iti kurso a BS in Accountancy iti Mariano Marcos State Unversity iti siudad ti Batac ken Certified Public Accountant (CPA).
Kangrunaan a nagyamanan ni Atty. Barroga ti Diyos, ti pamilya na pakairamanan ti dean iti College of Law a ni Atty. Brian Corpuz ken ti presidente ti MMSU a ni Dr. Shirley Agrupis.
Iyunay-unay ni Atty. Barroga a ti nasken a panunuten nangruna kadagiti addaan ti panggep nga agbalin nga abogado ket agtalek, saan a maawanan ti namnama ket agtultuloy laeng iti biag aniaman a pannubok ti sumangbay.
