LAOAG CITY – Nangitunda iti nabara a panagsinnungbat ti depensa ken prosekusion iti testimonia ti financial forensic analyst expert a ni Atty. Alex Cabrera sakbay nga agleppas ti panagdengngeg iti maika-38 nga aldaw ti impeachment trial ni Vice President Sara Duterte.
Iti panagtalantan iti Article II ti impeachment complaint, inawagan ni defense lead counsel a ni Atty. Sheila Sison nga ‘erroneous’ wenno saan nga husto dagiti konklusion nga inlatang ni Atty. Cabrera nga adda pakainaiganna iti alegasion ti unexplained wealth kontra iti bise presidente.
Segun ken ni Sison, naipaayan ti witness ti umdas a gundaway tapno ilatang dagiti konklusionna no sadinno nga impetteng ti depensa nga agpada a saan nga umno iti pakasaritaan ti linteg ken ti kinapudno.
Gapu iti daytoy, kiniddaw ni House prosecutor Atty. Chel Diokno iti impeachment court nga ikkaten utu rekord ti pagsasao nga ‘erroneous’ a kunana a maysa daytoy a konklusion iti pakasaritaan ti linteg ken ti laeng Korte ti kasapulan nga agdesision no awatenda dagiti opinion ni Cabrera.
Nupay kasta, san nga immanamong ni Sison iti mosion ni Diokno a rason ti nabara a panagsinnungbat iti dua a partido.
Nakasentro ti panagsinnungbatda iti panangiladawan ti depensa iti testimonia ni Cabrera idinto nga agtultuloy ti pannakatingiting ti impeachment court kadagiti alegasion a nakaipalaon iti Article II.
