LAOAG CITY – Naaprobaran ti appointment ni Atty. Yvette Leynes kas Provincial Administrator iti gobyerno probinsyal babaen ti Sangguniang Panlalawigan.
Maipalagip nga inappointaran ni Gov. Matthew Marcos Manotoc ni Atty. Leynes iti nasao a posisyon idi Hunyo 3.
Segun kenni Sangguniang Panglalawigan Member Donald Nicolas, adda amin kenni Atty Leynes ti kwalipikasyon para iti provincial administrator.
Ni Atty. Leynes ket nagturpos iti elementarya iti Immaculate Conception Academy – Batch 1991, nagturpos iti sekondarya iti Holy Spirit Academy of Laoag – Batch 1995 ken nagturpos iti kolehyo iti kurso a Bachelor of Arts Major in Legal Management iti University of Sto. Tomas.
Nagadal pay iti Law School iti UST ken nageksamen ti Bar Exam idi tawen 2004 ken nakapasa daytoy.
Nagtrabaho ni Atty. Leynes iti Court of Appeals manipod Setyembre 2005 nagpatingga idi Mayo 2010.
