LAOAG CITY – Inpakaammo ni PLt. Col. Roger Digmayo, ti pannakangiwat ti Ilocos Norte Police Provincial Office (INPPO) nga addan dagiti naideploy nga augmentation force kadagiti nagduduma nga ili ditoy probinsya.
Kuna na a partikular ditoy iti siudad ti Laoag, ili ti Solsona ken Pagudpud gapu iti napigsa a laban dagiti kandidato iti 2022 elections.
Mainaig iti daytoy, kuna ni Digmayo a manarimaan ti validation iti maipagarup a kaadda dagiti gun for hire iti ili ti Solsona kasta met iti riri dagiti konsehal iti ili ili ti Currimao.
Segun ken ni Digmayo, maitratar ken maimbestigar a naimbag iti saan a panagkikinnaawatan dagiti dua nga aglaban a partido iti ili ti Solsona.
Innayun na nga addan to met ti aldaw a makatungtong da dagiti kandidato babaen kadagiti miembro ti conflict resolution team kas iti pastor ken padi.
Mangnamnama ni Digmayo nga agbalin a natalna ti masungad nga eleksyon.
