LAOAG CITY – Nangipaay ni Austin Reaves ti career performance a naka-iskor ti career-high a 45 points tapno magun-od ti Los Angeles Lakers a mangabak kontra iti Indiana Pacers, 124-117.
Nangnayon pay isuna ti pito a rebounds ken pito nga assists a dakkel a tulong iti Lakers tapno mapagtalinaed ti lima a nagsaruno a panangabakda.
Gapu iti saan a panagay-ayam ni LeBron James, ginundawayan ni Reaves ti oportunidad nga agpasikat.
Nag-shoot daytoy ti 14 iti 26 manipud iti field pakairamanan ti uppat a 3-pointers ken 13 iti free-throw line.
Ni Rui Hachimura ket nakaaramid ti 24 points ken siam a rebounds idinto a ni Gabe Vincent ket nakagu-od ti 12 points.
Kabayatanna, ni Jordan Goodwin ket nakaaramid ti 10 points manipud iti bench idinto a ni Jaxson Hayes ket nakagun-od ti siam a puntos ken 12 rebounds.
