LAOAG CITY – Maysa nga agtawen ti 35 a freediver idiay Australia ti nangipakita ti naidumduma a talentona iti freediving kalpasan a nakagun-od ti Guinness World Record para iti titulo a “Longest underwater walk with one breath female.”
Nagballigi ni Amber Bourke a nagna ti 370 feet and 2 inches iti babaen ti maysa a swimming pool, naartapanna ti previous record a 357 feet and 7 inches.
Saan a nagbalin nga alisto ti balligi daytoy para ken ni Bourke nga adda ti surmorok maysa a dekada a kapadasan iti freediving.
Sakbay ti world record attempt-na, dimmalan daytoy ti naiget a panagsanay. Saan a nalaka ti magna iti uneg ti swimming pool a saan a tumtumpaw iti rabaw ti danom.
