LAOAG CITY – Naiget a sinuportaran ni Senador Francis “Kiko” Pangilinan ti Senate Bill No. 1822 wenno ad-adda a bigbigen kas National Autism Care, Support, and Inclusion Act nga inaprobaran ti Senado iti maikatlo ken maudi a pannakaibasana iti kallabes.
Inbatad ni Pangilinan a sigsiguradoen ti linteg a maaddaan ti access ti amin iti early detection, screening, diagnosis ken timely intervention kadagiti amin nga umili iti Autism Spectrum Disorder (ASD) pakairamanan ti pamiliada.
Inbilin ti gakat ti Department of Health (DOH) nga ipatungpal daytoy kadagiti primary healthcare, maternal and child health programs ken dadduma pay nga appropriate health services, Autism Spectrum Disorder detection and screening, referral, and diagnostic protocols.
Iti babaen ti gakat, bigbigen ti asinoman nga umili nga addaan ti Autism Spectrum Disorder kas persons with disability tapno maaddaan isuda ti benepisio ken pribilihio iti babaen ti Republic Act No. 11228 wenno ti Magna Carta for Persons With Disability.
