LAOAG CITY – Awan dagiti balud nga agsagsagaba ti sakit nga skin disease wenno sakit ti kudil iti Bureau of Jail Management and Penology (BJMP) ditoy ciudad ti Laoag
Daytoy ti inpasingked ni Jail Senior Inspector Rodel Cadpino, ti baro a Jail Warden iti BJMP iti eksklusibo nga interview ti Bombo Radyo Laoag kenkuana.
Inlawlawag na a no adda ti maapektaran ti sakit ti kudil wenno aniaman a klase ti sakit ket mabalin a pacheck up da iti ospital ngem masapul ti pammalubos ti korte.
Nupay kasta, kuna na a no emergency ket mabalin nga uray awan ti court order.
Kabayatanna, inpakaammo ni Cadpino nga ado dagiti agas manipod iti regional office ti opisina da a mabalin a maited kadagiti balud nga agsakit la ketdi saan a nakaro.
