LAOAG CITY – Inpakaammo ni Mr. Marcell Tabije, Local Disaster Risk Reduction Management Officer ti gobierno probinsial ti Ilocos Norte nga awan dagiti nairep-report a forest fire ditoy probinsia iti napalabas a dua wenno tallo nga aldaw.
Mamati a daytoy ti resulta iti panangisayangkat dagiti otoridad pakairamanan dagiti barangay tanud a panagpatrolia kadagiti kabanbantayan a masansan a pakapaspasamakan ti uram.
Mainaig iti daytoy, impadanonna ti napalaos a panagyamanna kadagiti kamkameng ti Bureau of Fire Protection, Philippine National Police, Philippine Marines, Philippine Army, Department of Environment and Natural Resources, Community Environment and Natural Resources Office, Municipal Disaster Risk Reduction and Management Office, City Disaster Risk Reduction and Management Office ken dagiti Mayor iti nagdumaduma a Local Government Units.
Innayonna a naipatungpal ti nasao a tignay gapu iti pammati a nairanta dagiti kallabes a pannakapasamak ti uram kadagiti kabanbantayan.
