LAOAG CITY – Awan dagiti Pilipino a naireport a nairaman kadagiti napupuk iti pannakauram ti rooftop ti World Trade Center idiay Hongkong.
Daytoy ti report ni Bombo International Correspondent Iron Rock Jermice iti Hongkong.
Inbatad na a dinosdosena dagiti napupuk no sadinno a kaadoan kadagitoy ket nataengan.
Nupay kasta, nalapdan ti panagwaras ken ti panagdakkel ti apoy gapu ta alisto ti panagresponde dagiti bombero.
Inpakaammo ni Jermice nga adda dagiti naireport a pimmusay iti insidente ngem saanen a nakaipaay ti naan-anay a detalye mainaig iti kinatao dagiti biktima.
Innayon na a malaksid kadagiti natay ket adda pay ti sumagmamano a nasugatan iti insidente.
Naamoan a ti lawlaw ti 38-storey World Trade Centre iti Gloucester Road ket manarimaan pay laeng a matartarimaan.
