LAOAG CITY – Maibilang a nuetral ti forecast ti Pagasa DOST iti panniempo ita a bulan ti Mayo ken sibubukel a tawen.
Daytoy ti inbatad ni Engr. Cynthia Iglesia iti Pagasa DOST iti Laoag International Airport iti pannakiuman kenkuana ti Bombo Radyo Laoag paset ti good morning philippines.
Inlawlawag na nga normal ti forecast ken awan ti El Niño wenno La Niña para ita a tawen.
Segun kenni Iglesia, nasken a magun-od ti kasapulan a milimeter ti tudo ita a tawen.
Kuna na a nakurang ti tudo itay napan a tawen gapu ta immabot laeng 1,600 milimeter ti tudo idinto ti kasapulan ket agarup 2,200 milimeter ti rainfall.
Namnamaen ni Iglesia a maaddaan kuma ti sagpaminsan a panagtudo tapno mapalamiisan ti probinsya manipud ti kinapudot ti panawen.
Inpakaammo na nga posible a mapasaran ti panagtudo iti maudi a lawas ti Mayo wenno umuna a lawas ti Hunyo ita a tawen.
