Awan iti inisisyu ti lokal a gobyerno a paltog iti naarestar a security guard iti Brgy. Madamba iti ili a Dingras – Mayor Saguid

LAOAG CITY – Inpasingked ni Mayor Jeffrey Saguid iti ili a Dingras nga awan iti inisisyu ti lokal a gobyerno a paltog iti naarestar ti security guard iti Brgy. Madamba iti nasao nga ili.

Nabigbig daytoy ni DODDY DONG ESPEJO II y Baruso, 33, naasawaan, miembro ti Civil Security Unit iti LGU-Dingras, ken residente ti Brgy Sagpatan iti nasao nga ili.

Immunan a naarestar ni Espejo kalpasan a naduktalan nga adda ti iggem na a kalibre 45 a paltog babaen ti naisayangkat a checkpoint iti nasao nga ili.

Kuna ni Saguid a malaksid iti shot gun a naisyu kenni Espejo iti napalabas ngem awanan daytoy sipod idi nagexpire.

Naamoan nga under probation iti kaso a “life threat” iti nasao nga ili ken frustrated murder ditoy ciudad ti Laoag.