LAOAG CITY – Inbatad ni Police Chief Inspector Rodelio Santos, ti chief of police iti Bacarra, Ilocos Norte nga awan ti kinapudno na ti naidanun iti Bombo Radyo nga adda ti nagpap-paputok ti paltog iti Barangay Buyon ti nasao nga ili.
Inlawlawag na a kalpasan a naidanun kadakuada ti report ket dagus a nagturong dagiti kakadwa na iti nasao a barangay.
Kuna na a nagdamdamag dagiti kakadwa na kadagiti residente iti lugar a maipagarop a nakangngegan kadagiti putok ti paltog, ngem inpasigurado dagiti maseknan nga awan ti nangnangngeg da a putok ti paltog.
Innayon na nga iti panagsawar da iti lugar ket awan ti uray maysa a nakita da nga ebidensya nga adda ti nagpaputok ti paltog ti nasao a lugar.
