LAOAG CITY – Saan pay a naaprubaran a budget iti ili ti Pagudpud para ita a tawen.
Daytoy ti inbatad ni Vice Mayor Maja Sales iti ili ti Pagudpud.
Inpetteng na nga awan pay pulos ti naisalang a budget para iti ili ti Pagudpud gapu ta saan pay a nagpirma ti proponent a ni Konsehal Ferdinand Garvida, ti Chairman ti Committee on Appropriation and Finance.
Inlawlawag na a ti budget ket naipatulod iti legislative idi disyembre 24, 2021 ken naiserrek iti konseho idi enero 10 ita a tawen ngem saan pay a pinirmaan Garvida gapu ta inbaga na a masapol nga adalen da pay laeng nga umuna.
Innayon na a naamoan da laeng nga idi Lunes, enero 31 ket pinirmaanen ni Garvida daytoy ngem saanda pay a trinatar.
Mangnamnama ni Sales a madengngeg iti umuna a pannakaibasa na ti budget iti nasao nga ili intono lunes, Pebrero 7 ita a tawen.
