LAOAG CITY – Kinumpirmaran ni Pol. Col. Cesar Pasiwen, ti Provincial Director ti Ilocos Norte Police Provincial Office nga awan pay nagdur-asan ti imbestigasyon mainaig ti pannaka-harass ti nagluganan ti maysa a Sangguniang Bayan Member a ni Jovencio Pascua idiay ili ti Solsona.
Segun kenni Pasiwen, agpapan ita ket awan pay ti naglawagan iti imbestigasyon dagiti kameng ti PNP iti nasao nga ili.
Kunana nga adda ti CCTV camera a nakaala ti ladawan dagiti suspek ngem nalidem wenno saan a mailasin.
Immapela ti nasao nga opisyal a no siasinnuman iti nakakita kadagiti suspek ket mapan da laeng dumatag iti Police Provincial office ken agtalinaed a confidential iti katatao da.
Maipalagip nga idi agawid kuman ni Pascua idiay Brgy. Manalpac iti nasao nga ili ket tinambang ida dagiti 2 a lallaki ngem saan a natamaan.
