LAOAG CITY – Inpakaammo ni Atty. Joel Gines, ti provincial election supervisor ditoy probinsya nga addan ti maaw-awat da a reports seknan iti vote-buying ken nairanta a pannakadadael dagiti campaign posters.
Nu pay kasta inbatad na a babaen laeng iti mensahe ken awan pay ti pormal a reklamo seknan iti daytoy.
Inlawlawag na a nu bilang adda ti pormal a maipila a reklamo kontra iti vote buying ken nairanta a pannakadadael dagiti campaign posters ken addaan ti mangpaneknek nga ebidensya ket maipila daytoy iti fiscal office para iti kaso criminal.
Kabayatanna, inbatad na a bayat nga awan ti pormal a reklamo seknan kadagitoy ket awan ti madeterminar nga aktibidad ti panaggatang ti butos kasta met iti nairanta a pannakadadael dagiti campaign posters.
Immunan nga inpakaammo ni Gines a ti vote buying ket isu ti panaginnawat ti kwarta ti kandidato ken ti botante.
Kuna na a ti panangdadael kadagiti campaign posters a naiyestablisar iti umno a lugar ken husto ti rukod daytoy ket panaglabsing iti omnibus election code.
