LAOAG CITY – Kinumpirmaran ni Barangay Chairman Gil Aguilar iti Brgy. 16 iti ili a Sarrat nga awan ti report a naawat na mainaig ti panaglako ti paltog ni Wilson Domingo iti kallabes.
Immunan a kinumpirmaran ni Police Chief Insp. Roldan Suitos, hepe ti PNP Sarrat, ti pannakatiliw da kenni Domingo babaen ti gun buy bust operation nga insayangkat dagiti tao ti PNP Sarrat. idi rabii.
Segun kenni Aguilar, naimaldit iti barangay ti kaso ni Domingo mainaig ti pannakiriri na ken ti search operation a naiwayat idi tawen 2015 a nakaalan ti shabu ken marijuana.
Innayon ni Aguilar a saan a maun-uni ni Domingo ngem no nakainom ket sabsabali ti ibagbag na.
Maipalagip a nakumpiskar dagiti otoridad kenni Domingo ti caliber 38 nga addaan ti innem a bala, dua pay a bala ti caliber 38, lima a bala ti caliber 30, walo a bala nga 7.62mm a bala ken uppat a sachet a naglaon ti maipagarup a shabu.
Mainaig iti dayoty….Inpakaammo ni Aguilar nga awan ti damag na nga agrec-recruit ni Wilson Domingo dagiti agbalin a miembro ti New People’s Army iti uneg ti barangay na.
Saan pay a masinunuo ni Aguilar no agrec-recruit ni Domingo iti sabali a lugar.
Agtultuloy ti panagvalidate ti PNP ti impormasyon a maipagarup nga agrec-recruit ni Domingo kadagiti mabalin nga ag-miembro iti NPA.
Maisagsaganan ti maipila a reklamo gapu ti panaglabsing ni Domingo iti RA 10591 wenno Comprehensive laaw on Firearms and Ammuniton ken ti RA 9165 wenno Comprehensive Dangeroues Drugs Act of 2002.
