LAOAG CITY – Awan ti makita dagiti otoridad a foul play ti pannakatay ni ABC President Alexander Navarro ti ili ti Marcos.
Immuna iti daytoy, naitaray iti ospital ni Navarro babaen kada Joel Calalaque, agtawen ti 34, front desk officer ti Kingscourt Hotel iti Brgy. 55-A, Barit ditoy ciudad ti Laoag kenni Nelia Nelia Baptista dela Cruz, agtawen ti 42, awanan asawa, maysa a massage therapist.
Ni Dela Cruz ket isu ti maipagarop a kadwa ni Navarro a nagcheck-in iti hotel.
Iti panagturong dagiti otoridad iti hotel, inlawlawag ni Dela Cruz a kabayatan ti panang-massage na kenni Navarro ket aglablabutab ti ngiwat na.
Gapo iti daytoy, nagpatulong ni dela Cruz iti desk officer ken naiataray iti ospital.
Naamoan a pimmusay ni Navarro ket gapo myocardial infarction secondary to hypertension.
