LAOAG CITY – Inpetteng ni Sanggunian Bayan Member Paul Baltazar iti ili ti Sarrat nga awan ti iligal a panagquarry iti Brgy. 10 iti nasao nga ili.
Inlawlawagna nga adda ti quarry business ti asawa na ngem iti Brgy. 21 iti nasao metlaeng nga ili.
Inbatad na a gapu ta saan pay a nairenew ti quarry siteda, naipan ti stock file ti darat iti pagtaenganda iti Brgy. 10 bayat a maipagpagna ti permit.
Innayun na a ti stock file iti pagtaenganda ket naipakada wenno naipakaamo iti provincial quarry office ken amin dagitoy ket addaan ti delivery receipt isut gapu na nga awan ti iligal a panagquarry.
Immuna iti daytoy, adda ti dimmanon a reklamo iti Bombo Radyo mainaig iti maipagarup nga iligal a panagquarry ti opisyal iti Brgy. 10.
Kabayatanna, nagpanawagan ni Baltazar kadagiti kabarangayyana a nu adda man ti problema dagitoy iti panagquarry ket direkta nga agturong kenkuana tapno masungbatan na dagiti arungaing dagitoy.
