LAOAG CITY – Awan pay laeng ti maipatungpal a flood control project iti ummuna a distrito ti probinsya agingga a saan a masolbar ti isyu mainaig iti daytoy.
Segun kenni 1st District Congressman Sandro Marcos, dagiti pondo a maipan kuma kadagiti proyekto ket mailatang payl aeng iti edukasyon, agrikultura ken salun-at tapno sigurado a makadanon daytoy kadagiti umili.
Mainaig iti daytoy, inpetteng ni Marcos a kabayatan ti panagserbi na kas diputado iti ummuna a distrito ket awan dagiti naduktalan a ghost project wenno substandard a proyekto.
Nupay kasta, kunana a no adda dagiti maduktalan dagiti umili ket mabalin da nga ireport iti opisina na.
Innayon na a no adda ti mapaneknekan ket awan ti makaliklik iti pannusa a maipataw kadagitoy.
