LAOAG CITY – Awan ti mapili nga “overall champion” iti Region One Athletic Association meet ita a tawen 2019.
Daytoy ti inpakaammo ni Mr. June Howard T. Riveros, vice chairman ti game results ken records ti R1AA.
Inlawlawagna a ti mapasamak ita a tawen ket adda laeng dagiti mapili nga “overall best performing” iti tunggal event kas iti “best in Athletics Division”.
Segun kenkuana, makita met latta dagiti kaaddoan ti medalia nga isu ti pagbasaran iti “best performing division” ti kada event.
Mainaig iti daytoy, inbunannagna a ti kaunaan a medalia iti regional meet ita a tawen ket manipud iti Secondary Boys Athletics iti event ti 500 meter run.
Imbatadna a ti nangabak iti nasao nga event iti balitok a medalia ket ti La Union, silver ti Pangasinan 2 ken bronze medal ti Ilocos Norte.
