LAOAG CITY – Inpasigurado manen ti Armed Forces of the Philippines (AFP) iti publiko a saan na a suportaran ti aniaman a military junta wenno “military-backed reset” iti gpobierno iti baet ti isyu mainaig iti flood control ken infrastructure corruption.
Segun kenni AFP spokesperson Col. Francel Margareth Padilla, namin-adon a daras nga inbatad daytoy ti Armed Forces of the Philippines chief of staff no sadinno inulit na nga awan ti military junta iti Armed Forces of the Philippines.
Inpetteng na a saan a akipartisipar ti AFP iti aniaman a reset plot, ken ti Constitution ket awanan ti cheat codes isut gapo na a sumurot da a kanayon no ania ti ibagbaga ti linteg.
Nasaludsod pay kenni Padilla iti rebelasyon ni Sen. Panfilo Lacson nga adda ti nangimbitar kenkuana a makipagpaset iti junta ngem nagkedkedan na daytoy no sdinno inbatad ti AFP nga awan ti kastoy a mapaspasamak iti military organization.
Kunana a no siasinno man ti nakasarita ni Lacson ket dagiti retirado ken kitaen daytoy ti sabali nga ahensya gapo ta ti prayoridad da iti agdama ket ti national security.
Innayon ni Padilla a ti pakaseknan ti AFP ket dagiti laeng active military personnel ken dagiti retirado ket maibilangan a sibilyan ngem respetaren da met ti opinyon ken balakad da para kadagiti aktibo a miembro.
