LAOAG CITY – Awan ti nadangran nga Pilipino kangrunaan dagiti Ilokano gapu ti napasar da a nakaru nga layus kangrunaan iti Hanalei, Kauai Island.
Daytoy ti inpakaammo ni Bombo Correspondent Manny Pascua iti Hawaii.
Kuna na a naapektaran ti trabaho, ken klase dagiti mangmangged a Pilipino iti nasao a lugar gapu iti pannkalayus da.
Segun kenni Pascua, awan ti naireport a mapukpukaw kalpasan ti pannakalyus ti nasao a lugar.
Inbatad na nga naiyanod dagiti lugan ken kasta pay a nadadael a balay ken dagiti sumagmamano nga imprastraktura gapu ti nakaru a layus.
Mainaig iti daytoy, inpakaammo ni Pascua, basar iti weather bureau ti Hawaii, umabot ti tallo nga aldaw pay a makapasar da ti tudo idinto nga uppat nga aldawen nga agtudtudo ti napigsa iti nasao a lugar.
