LAOAG CITY – Awan ti Pilipino a nairaman kalpasan a nagsuek ti maysa nga eroplano ti Russian Airlines.
Daytoy ket basar kenni Ms. Ystiel Mina, taga Tagudin, Ilocos Sur, agtrabtrabaho idiay Moscow, Russia kas partimer cleaner.
Inlawlawag na a ti airport a naggapuan ken pagturongan ti nagsuek nga eroplano ket awan ti Pilipino a nakalugan.
Kinumpirmaran ni Mina nga iti uneg ti pito a tawen a panagtrabaho na idiay Moscow ket sumagmamanon a daras nga adda ti nagsuek nga eroplano iti nasao a pagilian.
Inadmitir na a gapu kadagiti mapaspasamak ket madanagan tunggal aglugan ti eroplano.
Immunan a natay ti 65 a pasahero ken innem a crew kalpasan a nagsuek ti Saratov airliner 148 regional jet kalpasan a nagtake-off idaiy Moscow airport nga agturong idiay Urals.
