LAOAG CITY – Nangrugin iti panagmonitor ti Department of Trade and Industry ditoy probinsya kadagiti grocery stores ken dadduma pay a pakagatangan kadagiti Noche Buena items.
Segun kenni Mr. Dominador Alberto, senior trade and industry specialist ti DTI Ilocos Norte, nagtalinaed ti presyo dagiti Noche Buena items.
Innayon na a nasurot ti Suggested Retail Price ken rumbeng laeng a saan nga agipangato iti presyo dagiti maseknan kalpasan a naipatungpal ti price freeze gapu ti pannakaideklara ti state of calamity iti intero a Luzon.
Agtultuloy ti panagsursur ti grupo ni Alberto tapno mamonitor dagiti presyo dagiti nadakamat a produkto.
Maipalagip nga indeklara ni Presidente Rodrigo Duterte ti state of calamity iti intero a Luzon gapu kadagiti kalamidad a simmangbay ditoy pagilian kangrunaan iti Southern Luzon.
