LAOAG CITY – Nagyaman ni Mrs. Nema Balucio Ganotisi, OFW idiay Athens Greece, tubo ti Brgy. 22 Sagpatan iti ili a Sarrat, iti namrsua gapu ta awan ti nadangran a Pilipino kalpasan ti napigsa a gingined.
Segun kenni Ganotisi, napasamak ti gingined idiay Athens idi rabii ken immabot ti magnitude 4.4 ti kapigsa ti panagdayyeg idi rabii ti Lunes.
Kuna na a malaksid ti Athens, naapektaran ti maysa pay nga isla iti nasao a pagilian ngem awan ti naimaldit a nadangran wenno narpoog a pasdek.
Naamuan nga umabot ti nasurok innem a ribo nga OFW ti agtrab-trabaho iti nasao a pagilian.
