LAOAG CITY – Awan ti nairaman a Pilipino iti pannakauram ti maysa nga ospital idiay siudad ti Miryang, South Korea.
Daytoy ti kinumpirmaran ni Elena dela Cruz, tubo ti Sinait, Ilocos Sur ngem agdama nga agtrab-trabaho idiay Seoul.
Nagyaman da iti namarsua gapu ta awan ti Pilipino a naapektaran iti nasao nga insidente.
Naamuan nga immaboten ti 37 a tattao dagiti natay idinto a nasurok 100 dagiti nasugatan iti napasamak nga uram.
Immuna a naipadamag a nangrugi ti uram iti emergency roon ti balay pagagasan rason a dagiti nagbalin a biktima ket dagiti pasyenta a kritikal ti kondisyon na.
