LAOAG CITY – Inpasingked ni Dr. Joseph Adaya iti City Health office ditoy siudad ti Laoag nga awan ti maaw-awagan a re-swab testing.
Segun ken ni Adaya, laketdi malpas ti 14-day quarantine dagiti positibo iti virus ket maibilangen dagitoy a natalged manipod iti virus.
Inbatad na a daytoy ket kangrunaan kadagiti agpositibo iti virus nga asymptomatic wenno awan ti mapaspasaran a sintomas iti nasao a sakit.
Nu pay kasta, inpagunam-gunam na a nu adda ti marikna nga an-anayen ti bagi nangruna kadagiti sintomas ti virus ket dagus nga ag-quarantine nu man pay awan ti resulta ti swab test.
Immunan nga adda ti nangipadanon nga indibidual ditoy Bombo Radyo ti kalikagumna a dumalan manen iti swab testing tapno maamoan nu infected pay laeng daytoy iti virus kalpasan a naiturpos nan ti 14-day quarantine period.
