LAOAG CITY – Ngimmato iti 2.11 a milyon a Pilipino ti awanan ti trabaho idi bulan Mayo.
Daytoy ket maibasar iti Philippine Statistics Authority (PSA) ti baro a resulta ti Labor Force Survey (LFS).
Inbatad ni Philippine Statistics Authority Chief Claire Dennis Mapa, ti 2.11 a milyon a jobless Pinoy idi Mayo ket nangatngato iti nairekord a 2.04 idi Abril.
Nakairekord ti Philippine Statistics Authority ti 95.9 percent employment rate idi Mayo a nangatgato met ti apagapaman iti 95.7 percent idi Mayo iti napalabas a tawen.
Nakairekord pay ti Philippine Statistics Authority ti 4.82 a milyon nga underemployed idi Mayo wenno katukad ti 9.9% nga underemployment rate a nababbaba maidasig iti 14.6% tally wenno 7.04 a milyon nga underemployed Pinoy idi Abril.
