LAOAG CITY – Inpasigurado ni Ms. Eva Marie Dumlao, ti Licensing Officer III, Business Permit and Licensing Office ditoy siudad ti Laoag nga awanen dagiti aglaklako kadagiti sango ti establishimento, sidewalks ken iti aglawlaw iti Laoag City Public Market and Commercial Complex.
Daytoy ket kalpasan a namandar dagitoy a mapan agpuesto iti mismo uneg iti merkado publiko.
Inbatadna a kangrunanan kadagitoy ket dagiti aglaklako ti prutas wenno ikan a makaabbeng kadagiti sidewalks iti aglawlaw iti tiendaan.
Mainaig iti daytoy, kuna ni Dumlao a dagiti muslim ket immuna metten a nakasarita ni Mayor James Bryan Alcid iti pannaka-Presidenteda daytoy tapno dagitoy ket sumurot iti pagannurotan nga umakar iti pagpuestoan.
Inlawlawagna a kasapulan laeng a maibirukan dagitoy iti umiso a pagpuestoan tapno saan a makaabbeng kadagiti sidewalks a pagnaan dagiti tattao
Innayonna a maurnos pay dagiti aglaklako iti paset ti Ablan Avenue tapno napinpintas met laeng ti plastar dagitoy nga aglako ken awan ti aniaman a problema a tumaod kadagitoy.
