LAOAG CITY – Pimmusay iti tawenna nga 65 ni Margarita Fores, restaurateur ken chef nga adda iti likudan dagiti sumagmamano a nalalatak a restaurant ditoy pagilian kas ti Cibo, Lusso ken Grace Park.
Kinumpirmaran ti anak daytoy a ni Amado iti online ti naladingit a damag iti napasamak iti inana.
Naammoan nga idi tawen 1997 idi luktan ni Margarita ti Italian restaurant a Cibo pakairamanan dagiti restaurant kas ti Pepato, Lusso, Grace Park ken ti catering business a Cibo de M.
Maipalagip nga idi tawen 2016 ket napadayawan ni Margarita kas Asia’s Best Female Chef.
