LAOAG CITY – Manamnama ti pannakaipaay ti pammadayaw kadagiti mangabak a Local Government Units para iti “Search for Cleanest and Greenest” Municipality ditoy probinsya.
Daytoy ti inpakaammo ni Mr. Jojie Jimenez, ti Environmental Program Officer iti gobierno probinsyal.
Segun ken ni Jimenez, naka-schedule ti panangiwayat da ti deliberasyon no sadinno nga amin a validators ket addan to panagtataripnong da tapno ma-consolidate no ania a munisipalidad dagiti mapadayawan, kangrunaan na ti agkampeon.
Kuna pay ni Jimenez a ti plano da a panangiwayat ti awarding ceremony ket intono Disyembre 12 wenno Disyembre 16 ita a tawen.
Innayon na a kitaen da no ania nga aldaw ti mabalin a panagatendar ni Governor Cecilia Araneta-Marcos tapno isuna metlaeng ti mangiyawat a mismo ti pammadayaw kadagiti mangabak a municipalidad.
Mainaig iti daytoy, inpakaammo ni Jimenez a ti depending champion para iti nasao a pasalip ket iti ili ti San Nicolas.
Innayon na a no bilang mapagasatan manen ti nasao nga ili nga agkampeon ita a tawen ket daytoyen ti maikatlo nga agsasaruno a panangabak da para iti “Search for Cleanest and Greenest” Municipality ditoy probinsya.
