LAOAG CITY – Indauloan ni Department of Labor and Employement (DOLE) Sec. Silvestre Bello III ti Awarding of Programs and Projects ti DOLE a naiyuswat iti Central Terminal ditoy siudad ti Laoag.
Kangrunaan a nakaipaimaan ti tulong iti nasao a programa dagiti naapektaran ti African Swine Fever (ASF) ken mangmangged a napukawan ti pagtrabahoan ditoy probinsya.
Karaman pay ditoy ti pannakaited ti financial assistance kadagiti contact tracers a tumultulong iti pananglaban ti covid-19.
Mainaig iti daytoy, inpasigurado ni Bello nga agtultuloy ti panangipaay ti DOLE iti livelihood assistance, negosyo package ken dadduma pay a programa kas iti Tulong Panghanapbuhay sa Ating Disadvantaged/Displaced Workers (TUPAD), COVID-19 Adjustment Measures Program (CAMP) ken ti DOLE AKAP.
Kabayatanna, kadua ni Bello iti nasao a programa ni Bise Gobernador Cecilia Araneta Marcos, Congressman Angelo Marcos Barba iti segundo distrito, Mayor Michael Marcos Keon ditoy siudad ken dadduma pay nga opisyal.
