LAOAG CITY – Naidumduma ti kinabanuar nga impakita ti aso a ni Axel gapu ta uray pinanawan isuna dagiti fur parents-na ket nagserbi daytoy kas pagsanggiran dagiti soldado no sadinno a ti kinapateg ket saan a matukod iti pagkurkurangan.
Ni Axel nga agtawen tallo a Dogo Argentino a naipayngay a sulpeng, ket nai-surrender iti maysa a shelter kalpasan a maamoan dagiti amona ti kondisionna. Ngem nagbaliw ti masakbayanna idi alaen daytoy ni Sergeant Mollie Karazim ti Michigan Army National Guard, no sadinno a daytoy ti nakakita ti potensial a kabaelanna nga aramiden. Iti babaen ti panagan-anos ken panagsanay, nasursuroan ni Axel ti sumurok 50 commands nga usar laeng ti sign language ken dadduma pay a visual signs.
Iti agdama, saan man a sumalsali iti gubat, adda napateg nga akemna kas maysa a ministry dog. Kadwana ti 1st Batallion, 125 Infantry Regiment, tumultulong ni Axel a makabukel ti natalged ken naurnos nga espasyo no sadinno a makasagid iti puso dagito soldado.
