LAOAG CITY – Inlibak ni Merly Joy Manalo Castro a co-incorporator ti Hongsheng Gaming Technology Inc., ti Philippine Offshore Gaming Operators nga adda ti pakanaiganna ken ni suspended Mayor Alice Guo.
Segun ken ni Senador Risa Hontiveros, inasitgan ni Castro ti opisinana kalpasan a naammoanna a karaman isuna kadagiti napilaan ti kaso ti Department of Justice kaduana ni Guo.
Kinunana nga awan ti ammona maipapan iti Hongsheng ken no apay a mapaayaban daytoy iti imbestigasion ti Senado mainaig iti illegal operation tiPhilippine Offshore Gaming Operators iti Bamban Tarlac.
Kabayatanna, pinasingekadan ni Castro a tallo laeng ti am-ammona nga adda iti listaan dagiti co-incorporators ti Hongsheng.
