LAOAG CITY – Pimmusay ti maysa a babai kalpasan ti napasamak a desgrasya iti paset ti Batac-Banna Road bisinidad ti Brgy. Naguirangan iti siudad ti Batac.
Basar iti imbetigasyon ti PNP-Batac, nangiturong ti bisikleta ti biktima nga agtawen ti 41 ken residente iti nadakamat a barangay.
Kabayatanna, bayat nga agpalaud daytoy ket sinaruno ti maysa a Toyota Wigo nga inturong ti agtawen ti 33 ken residente iti Brgy. Bil-loca iti nasao a siudad.
Rimuar iti imbestigasyon a maipagarup a nagsugel ti driver ti wigo a kotse rason a nagderderetso iti kalsada a nakadungparan na iti babai a nakabisikleta.
Gapu iti daytoy ket naipurwak iti sango ti kotse ti babai ken nagsagaba ti nakana a sugat iti ulo malaksid kadagiti sinagaba na iti nagduduma a paset ti bagi daytoy idinto a saan a naan-ano ti driver ti wigo.
Naitaray ti babai iti ospital ngem pimmusay bayat ti pannakataming na.
Kabayatanna, manamnama nga agsarita ti natayan a pamilya ken ti nangiturong ti wigo kalpasan ti pannakaitabon ti biktima.
