LAOAG CITY – Nagsagaba ti sugat iti nagduduma a paset ti bagi ti maysa a babai kalpasan a nadesgrasya ti nagluganan na a motorsiklo idi rabii, bisperas ti baro a tawen iti paset ti Barangay 17, Vintar, Ilocos Norte.
Nabigbig ti biktima a ni Myrna Semana, agtawen ti 55 ken residente ti Brgy. Visaya iti ili ti Vintar.
Segun ti report, kadwa ti biktima ti anak na idi napasamak ti desgrasya ngem gasgas laeng ti sinagaba ti ubing.
Naitaray ti biktima iti Governor Roque Ablan Senior Memorial Hospital (GRASMH) ditoy ciudad ti Laoag para iti naan-anay a pannakataming na.
Kalpasan a naagasan dagiti sugat ti biktima ket napalubusan da met laeng a nagawid.
