LAOAG CITY – Natiliw ti maysa a babai babaen ti bileg ti warrant of arrest gapu iti kaso na nga estafa iti ili ti San Nicolas.
Segun ken ni Police Major Joseph Tayaban, ti chief of police iti ili ti San Nicolas, ti suspek ket agtawen ti 37 ken residente iti Barangay 10,San Paolo iti nasao nga ili.
Inbatad ni Tayaban a nairekomendar ti 12 ribo a pisos a piyansa ti suspek para iti temporaryo a pannakawaya-waya na.
Mainaig iti daytoy, inpakaammo ni Tayaban a napaluspusan met laeng a dagus ti suspek kalpasan a nakabayad ti piyansa na.
