LAOAG CITY – Insigida a naipisok iti “isolation room” ni Susan Salacup, ti balod a naglibas iti Ilocos Norte Prov’l Jail a taga ili ti San Nicolas kalpasan a simmuko daytoy kadagiti kameng ti PNP iti ili ti San Nicolas.
Daytoy ti pinasingkedan ni Mrs. Belinda Sadian OIC ti nasao a pagbaluadan.
Iti pakpakauna a pannakisarita ni Sadian kemni Salacup no apay a napanunutan na ti naglibas ket nakuna na a kayat na a balsen ti nangisaklang kenkuana.
Rumrumuar a nadismaya pay ni Salacup kalpasan a saan a natuloy ti hearing ti kaso idi Martes ngem ti kinaagpaysuna ket awan ti piskal.
Kuna ni Sadian a no pakaseknan ti guwardiya a nakapalibas ti nasao a balod ket awan pay ti aksiyon nga inaramid na gapu ta suruten da ti protokol.
Maipalagip a naglibas ni Salacup idi Disyembre 12 iti INPJ.
